ԻՍԿԱԿԱՆ ՔՐԻՍՏՈՆՅԱՆԵՐ

Գրեգ Լորի
«Երբ չգտան զանոնք, Յասոնը եւ քանի մը եղբայրներ քաշկռտելով տարին քաղաքապետներուն առջեւ՝ գոռալով. «Անոնք որ երկրագունդը տակնուվրայ ըրին՝ հոս ալ հասած են» (Գործք 17:6):

Ի՞նչ է նշանակում Քրիստոնյա: Քրիստոնյան այն անձն է, ով իր հավատքը դրել է ՀԻՍՈՒՍ ՔՐԻՍՏՈՍԻ վրա՝ որպես ՓՐԿՉԻ, ՏԻՐՈՋ և ԱՍՏԾՈՒ: Եվ համաձայն Պողոս Առաքյալի՝ Քրիստոնյան այն անձն է, ով դարձել է խավարից դեպի լույսը և Սատանայի իշխանությունից դեպի ԱՍՏԾՈՒՆ (Գործք 26:18):

Կարծում եմ՝ այսօր գոյություն ունեցող բավականին շատ մակերեսային ու անլուրջ քարոզչության պատճառով ստեղծվել է մի սերունդ, որ իրեն քրիստոնյա է համարում, սակայն իրականում քրիստոնյա չէ: Այս մարդկանց ասել են, որ պետք է հավատալ, սակայն նրանց երբևէ չի ասվել, որ պետք է ապաշխարել: Նրանց խոստացել են երկինք, սակայն երբեք չեն զգուշացրել դժոխքի մասին: Նրանց վստահեցրել են, թե ԱՍՏՎԱԾ ցանկանում է, որ իրենք երջանիկ լինեն, սակայն չեն ասել, որ ԱՍՏՎԱԾ ցանականում է, որ իրենք սուրբ լինեն: Ես կասկածում եմ, որ այս մարդկանցից շատերը անգամ չգիտեն, թե որն է Ավետարանի իսկական լուրը: Վերջերս կարդացի, որ ամերիկացի 10 չափահաս մարդկանցից  7 գաղափար չունի, թե ինչ է նշանակում Հովհաննու 3:16 համարը (Որովհետեւ Աստուած ա՛յնպէս սիրեց աշխարհը, որ մինչեւ անգամ տուաւ իր միածին Որդին, որպէսզի ո՛վ որ հաւատայ անոր՝ չկորսուի, հապա ունանայ յաւիտենական կեանքը): Եվ բոլոր չափահաս մարդկանց հազիվ 1/3 գիտի, թե ինչ է նշանակում «ավետարան»:
Իմ գործը չէ որոշել՝ ով է քրիստոնյա և ով՝ոչ: Դա միայն ու միայն ԱՍՏԾՈ գործն է: Բայց հստակ է, որ մենք այսօր ավելի կիսատ-պռատ քրիստոնյաների կարիք չունենք: Մեզ պետք են իսկական քրիստոնյաներ՝ մարդիկ, ում մասին վստահությամբ կարող ես ասել. «Ոչ մի կասկած չկա, որ այս մարդը ՀԻՍՈՒՍ ՔՐԻՍՏՈՍԻ հետևորդն է»: Փաստ է, որ այն, ինչ այսօր Քրիստոնեություն է համարվում շատերի կողմից, 1-ին դարում որպես այդպիսին չէր որակավորվի:
ԱՍՏՎԱԾ ցանկանում է, որ դու բաժնեկցես բարի լուրը և աշակերտներ պատրաստես այն ոլորտում, որտեղ ունես ազդեցություն: Այսպես էր վարվում վաղ շրջանի եկեղեցին, և աշխարհը բոլորովին այլ վայր էր դրա շնորհիվ: