ԱՐԴՅՈ՞Ք ՄԵՆՔ ՎԵՐՋԻՆ ՕՐԵՐՈՒՄ ԵՆՔ ԱՊՐՈՒՄ

Գրեգ Լորի

       Ես համոզված եմ, որ ՀԻՍՈՒՍ ՔՐԻՍՏՈՍԸ վերադառնալու է։

Իմ ըմբռնմանբ՝ ԱՍՏՎԱԾԱՇՆՉԻ մարգարեությունը և այն, ինչ աստվածաբանները կոչում են վախճանաբանություն (eschatology - աստվածաբանության ճյուղ, որի ուսումնասիրության առարկան աշխարհի վերջն է ), մարգարեկան օրացույցի հաջորդ իրադարձությունը եկեղեցու ՀԱՓՇՏԱԿՈՒՄՆ է՝ ՀԻՍՈՒՍ ՔՐԻՍՏՈՍԸ կկանչի իսկական հավատացյալներին միանալու Իրեն երկնքում։       Դա կպատահի, ինչպես Աստվածաշունչն է ասում՝ մի ակնթարթում։ Հուսամ՝ պատրաստ եք այդ իրադարձությանը։ 
       Աստվածաշունչը շատ հստակ նշում է, որ իրադարձության ժամանակային նշանը կլնի Հրեա ժողովրդի վերամիավորումը Իսրայել երկրում։ Երբ դա պարահեց, մարգարեական ժամացույցը սկսեց աշխատել։
       Աստվածաշունչը մեզ ասում է. «Երբ Տէրը կառուցանէ Սիոնը, Իր փառքով պիտի երեւնա» (Սաղմոս 102։16)։ Այսպիսով, սա աստվածային մի նշան է։ 
       Երբևէ որևէ ազգ, բացի իսրայելից, չի կարողացել վերագտնել իր ազգային ինքնությունը իր հայրենիքից դարեր շարունակ վտարված լինելուց հետո։ Այսօր դուք իզուր կփնտրեք խեթերի կամ բաբելոնացիների ժառանգների, թեև նրանց երկրները հին աշխարհում հզորագույն տերություններ են եղել։ Իրականում խեթերը այնքան խորն էին սուզվել պատմության ավազների տակ, որ նույնիսկ չէին էլ հիշատակվի պատմության էջերում, եթե չլիներ Աստվածաշունչը։
       Մի ժամանակ շատերը ծաղրում էին ԱՍՏՎԱԾԱՇՈՒՆՉԸ խեթերին հիշատակելու համար։ Մարդիկ համոզված էին, որ խեթերը մտացածին մի ազգույթուն են։ Սակայն 19–րդ դարում գիտնականները վերջապես հաստատեցին ԱՍՏՎԱԾԱՇՆՉԻ տեղեկությունները, երբ անհերքելի փաստեր հայտնաբերեցին Խեթերի կայսրության երբեմնի գոյության մասին։ Այնուհանդերձ, դուք այսօր չեք հանդիպի խեթի, ասորեստանցու կամ բաբելոնացու։
       Նույնը չի կարելի ասել հրեաների մասին։ Ինչո՞ւ նրանք փրկվեցին (գոյատևեցին), իսկ հզոր խեթերը, ասորիները և բաբելոնացիները անհետացան։ Որովհետև ԱՍՏՎԱԾ այդպես էր խոստացել։ Այս մարգարեությունը իրականացավ 1948թ. մայիսի 14–ին։